شركة السلام

[كويتي]

مرحبا حاب اعرف عن شركة السلام اشرايكم فيها نظرتي انها جيدة وراح ترتفع واعلنت عن تاسيس شركة حاب التوجة لكم ومعرفت وجهت نظركم في هالشركة ولكم جزيل الشكر:)

[ريم الدوحه]

مرحباً بك اخوي كويتي

سهم السلام : 17.3 ريال

السهم تفاعل مع اعلان ارباحة الممتاز ولكن كانوا المضاربين بالمرصاد
قفز السهم الى مستوى 19 - 19.8 ريال
وعند هذا المستوى كان هناك جني ارباح للمضاربين
هبط السهم حتى وصل اليوم الى 17 ريال وتدخلت قوة شرائية
ومن عادة الاسهم المضاربية تذبذبها عالي
اللي افضل من الاشاعة اعلان ربحية السهم الممتازة
ومع هذا السهم لم يترك طبيعتة [ صاعد نازل ] سلوكة المضاربي

مستويات الدعم والمقاومة

مستوى الدعم 16.5 - 16 ريال
مستوى المقاومة 18 ريال

اتمنى اخوي قدرت ارد على استفسارك

تقبل احترامي

[الغالية]

ريم الدوحة

مشكوره اختي على الشرح الوافي وان شاء الله كويتي استفاد

يعطيج العافيه

[كويتي]

مشكورة اختى العزيزة على الرد بس حاب اعرف متى يوزعوا ارباح بضبط اى تاريخ ممكن تفيدينا على وعسى ان يلملموا اوجاعى وخسائري الكبيرة انا من الناس الى شريت وهو في قمة ارتفاعة وحاليا انتى ادري جم سعرة .

[ريم الدوحه]

الله يعينك اخوي على الخساير وصدقني الكل خسران وان شاء الله يتغير الوضع في الايام القادية

اما بخصوص الارباح اخوي فهذي الارباح النصف السنويه للعام 2006 , حيث بلغ صافي الربح ‏‏49.05 مليون ريال قطري مقابل 22.64 مليون ريال قطري لنفس الفترة من العام الماضي , في حين ‏بلغ العائد على السهم 0.60 ريال قطري في النصف الأول للعام 2006 مقابل 0.50 ريال قطري لنفس ‏الفترة من العام الماضي.

تحياتي لك اخوي

[كويتي]

مشكورة اختى .. وتعبتك بس اى تاريخ يوزعوا على المساهمين انا ناوي ابيع الاسهم قلت اشوف انتظر توزيع الارباح وبعدها ابيع واتوجه الى سهم الريان ولا عوار رأس ولا شئ اشوفه سهم ممتاز جداااا حتى لو كان بخمسين ريال.وتحياتي لج

[ريم الدوحه]

ان شاء الله اخوي بداية سنه 2007 وانتظر اخوي مابقى شي

وانصحك بسهم الريان فهو ممتاز للاستثمار

تحياتي لك

[كويتي]

مشكورة على الجواب اختى . وانا معاج بسهم الريان فعلاا سهم فوق الممتاز سعره حاليا وحتى الى خمسين ريال .. اكرر شكري لج .......ز حاب اعرف اختى ماكو اهنى مثل الشات بين الاعضاء نتبادل الكلام مباشرة افيدينى بليز.

[الغالية]

ريم الدوحة مشكوره اختي على الرد الوافي

اخوي كويتي .. بخصوص استفسارك عن (شات) بالمنتدى .. فيه في الاستراحه موضوع بعنوان (المجلس) وهو مجلس للحوار بين الاعضاء بس اكيد بحدود :)

يعطيك العافيه

[ريم الدوحه]

مشكورة على الجواب اختى . وانا معاج بسهم الريان فعلاا سهم فوق الممتاز سعره حاليا وحتى الى خمسين ريال .. اكرر شكري لج .......ز حاب اعرف اختى ماكو اهنى مثل الشات بين الاعضاء نتبادل الكلام مباشرة افيدينى بليز.

حياك الله اخوي وحاظرين للتجاوب مع الجميع ...

بالنسبة لاستفسارك عن وجود شات او مكان لتبادل الحديث المباشر لا اخوي اعذرنا اي استفسار تريد طرحه عندك منتدى الاستفسارات وان شاء الله نكون جاهزين للرد على استفساراتك واستفسارات اعضائنا الاعزاء

تقبل كل الاحترام

[كويتي]

مشكورة اختى لا تحاتى الحدود موجودة :) وربي ماكنت عارف اكو شات انا ذاهب هناك لج تحياتي.

[كويتي]

اشلون انا غير تقول في مجلس مثل الشات مباشر نتكلم في او مافيه

[ريم الدوحه]

أخوي اذا انت تقصد الشات الشات فلا يوجد شات ولكن تقدر تتواصل مع الاعضاء عن طريق هذا الرابط

المجلس (http://www.dohashares.com/vb/showthread.php?t=945)


تقبل تحياتي

[كويتي]

اها مشكورة . بس لو كان هناك شات اعتقد اعتقد يكون افضل مباشر الكلام والمعلومااات ولكم حرية الاختيار . باى

[GUCCI BOY]

اخوي كويتي حياك الله معانا في المنتدى

ونشكر الاخوان الادرايين على جهدهم الطيب ماقصروا كل الاستفسارات والمعلومات المطلوبة يوفرونها على مدار الساعه والاستجابة داااائما سريعة من قبل الجميع بقدر استطاعتهم

المنتدى لايوجد به شات او اي شي من هالقبيل لان المنتدى هدفه المعلومات والافادة ومتابعة الاخبار الاقتصادية والغير اقتصادية ،، موضوع المجلس للدردشة في مواضيع متعدده وهي كاستراحة للاعضاء لا غير

تفضل اخوي بأي استفسارات او معلومات عن طريق المنتدى والكل راح يكون سعيد بافادتك بكل ماهو مطلوب