المساعد الشخصي الرقمي

مشاهدة النسخة كاملة : لحد الآن لم استلم اشعار تخصيص أسهم بنك الريان

rashed88
31-07-2006, 03:34 PM
اخواني واخواتي الافاضل رواد هذا المنتدى ...

عندي مشكلة بسيطة ياريت تساعدوني فيها وخصوصا اهل الدوحة, كما تعرفون بأن إشعار تخصيص أسهم بنك الريان تم أرسالها إلى جميع المكتتبين منذ فترة طويلة (5شهور تقريبا) ولحد الآن لم استلم إشعار التخصيص الخاص بي ولا أدري شنهي المشكلة !!! حاولت أتصل ببنك الريان بدون فايدة محد يجاوب على التلفون بس ماأدري إذا كان الرقم إلي أتصل عليه صح ولا مو صح!! الارقام 009744407718/009733307719/009744407721 ياريت تساعدوني في الوصول للأرقام الصحيحة الي يمكن يردون عليها وخصوصاً الاخوان من أهل الدوحة. وسلامتكم
السمو
31-07-2006, 06:41 PM
اخي الكريم

أهلا ومرحبا بك..

بس بغيت اسال من وين لك هالأرقام هل هي موجودة في طلب الأسهم؟

وانا عندي لك طريقة بها تعرف اذا خصصوا لك حاجة

ادخل على موقع السوق http://www2.dsm.com.qa/dsm

وحاول تطلع رقم مساهم من خلال رقم جوازك او من خلال رقم الطلب

اللي المفروض يكون عندك نسخة منه

فاذا صار عندك رقم مساهم راح تقدر تعرف كم خصصوا لك

اتمنى ردي فادك واذا ما مافاد لا تتردد راح ابحث لك عن طريقة ثانية
rashed88
06-08-2006, 01:56 PM
الارقام الي عندي ماخذها من الاستعلامات في الدوحة بس ماقدرت اوصل حق شي !! أبي اتصل فيهم أسألهم عن اشعار الاستلام والشيك لأن كل المكتتبين استلموا شيكاتهم واشعارات الاستلام من فترة طويلة !! ياريت بس أحصل منكم على أرقام هواتف المراجعة عن الشيكات المفقودة . وسلامتكم
السمو
06-08-2006, 02:17 PM
يعني اخوي انت عارف انهم مخصصين لك صح؟؟

بس تبي تعرف وين تقدر تستلم الشيكات واشعارات التخصيص ؟؟

ولا انت عندك شيك مفقود ؟؟؟ :confused:
rashed88
07-08-2006, 01:06 AM
انا عارف انهم خصصوا لي بس عندي شيك مفقود. وهم عادتا يرسلون الشيك مع اشعار تخصيص الاسهم . وانا ما استلمت اشعار التخصيص ولا الشيك. ياريت مساعدتكم . تعبناكم معاي
السمو
07-08-2006, 08:31 AM
لا اخوي لا تعب ولا حاجة

بس امهلني وقت يوم او اثنين

وان شاء الله راح ابحث لك واجيب لك الجواب الكافي
rashed88
07-08-2006, 03:31 PM
والله جمايلكم على راسي اختي حبارى وبصراحه احرجتونا بمعاملتكم الجميلة وسمحو لنا على الازعاج وكلفنا عليكم وانا في انتظار ردكم في القريب . وشكراً
Mubarak
07-08-2006, 05:22 PM
هلا أخوي راشد واسمحلي على التأخير... وأنا بإذن الله احتمال بكره أروح البورصة وبحاول أشوف لو قدرت أجيبلك أي معلومات تفيدك.......
السمو
07-08-2006, 11:37 PM
هذا اخر رد جاني:


المسؤول عن معاملات مصرف الريان الاسلامي

بنك قطر الوطني / فرع الريان

يفتح للاستفسارات بخصوص مصرف الريان في اوقات دوام الصباح
وعلى رقم تليفون / 4407808

اذا كنت خارج الدوحة تتصل على

9744407808+
من هنا يمكن يشوفون موضوعك


وان شاء الله يفيدك واخوي مبـــــــارك بيشوف لك بكرة
rashed88
08-08-2006, 01:44 AM
والله ماقصرتي اختي العزيزة حبارى انشالله نخدمكم في الافراح .... بكرة انشالله بتصل على هالرقم وان شاء الله نلاقي الجواب الشافي. وباعطيكم الجواب.. ومشكووورة مرة ثانية. والشكر موصول للأخ مبارك واقوله الله يعطيك العافية وماقصرت يالغالي. وانشاءالله ماكلفنا عليك ومشكورين.
السمو
08-08-2006, 01:52 AM
والله ماقصرتي اختي العزيزة حبارى انشالله نخدمكم في الافراح .... بكرة انشالله بتصل على هالرقم وان شاء الله نلاقي الجواب الشافي. وباعطيكم الجواب.. ومشكووورة مرة ثانية. والشكر موصول للأخ مبارك واقوله الله يعطيك العافية وماقصرت يالغالي. وانشاءالله ماكلفنا عليك ومشكورين.

ما عليك قصور الشيخ

واحنا في الشوفة ;)
rashed88
08-08-2006, 01:32 PM
اختي حبارى تعبت وانا اتصل على الرقم إلي عطيتيني أياه من الصبح الساعة 9 ولغاية الساعة 12 الظهر ومحد يجاوب أكثر من 20 مرة اتصلت لكن بدون فايدة. مادر ي إذا عندج حل ثاني .. وانا ناطر الاخ مبارك يرجع من البورصة وعنده الحل بس ياخوفي الاخ مبارك يربح في البورصة وينساني :) وسلامتكم
السمو
08-08-2006, 02:18 PM
اختي حبارى تعبت وانا اتصل على الرقم إلي عطيتيني أياه من الصبح الساعة 9 ولغاية الساعة 12 الظهر ومحد يجاوب أكثر من 20 مرة اتصلت لكن بدون فايدة. مادر ي إذا عندج حل ثاني .. وانا ناطر الاخ مبارك يرجع من البورصة وعنده الحل بس ياخوفي الاخ مبارك يربح في البورصة وينساني :) وسلامتكم

ههههههههه :D

لا ان شاء الله

اتمنى يجيب لك الجـــــــواب الشافي
rashed88
08-08-2006, 02:43 PM
في إنتظارك.....يامبارك ؟؟؟ ناطرينك على نار ترجع من البورصة يامبارك وعندك اخبار عن بنك الريان ويقول المثل ( من طول الغيبات ياب الغنايم )
السمو
08-08-2006, 11:33 PM
في إنتظارك.....يامبارك ؟؟؟ ناطرينك على نار ترجع من البورصة يامبارك وعندك اخبار عن بنك الريان ويقول المثل ( من طول الغيبات ياب الغنايم )

مبارك ما دخل المنتدى من البارحة

ومب عوايده ,,,, :confused:

ان شاء الله خير
Mubarak
09-08-2006, 12:26 AM
الصراحةما أدري وش أقولك أخوي راشد اعذرني اليوم صارت لي ظروف وماقدرت أروح البورصة وعندي بكرة بعد شغل فما راح أقدر أروح بكره....... لكن إن شاء الله يوم الخميس راح أروح وأحاول بإذن الله إني أجيبلك معلومات تفيدك.....
rashed88
09-08-2006, 11:36 AM
ماقصرت اخوي مبارك اساساً انا مكلف عليك وايد فتقبل إعتذاري.... وعلى العموم أنتظر ردك في أي وقت وأي يوم... وآنا يوم الخميس بالليل مسافر لمدة 3 أسابيع حتى لو لقيت الحواب كتبه لي لأني أول ماأرجع بارد عليك ..... ومشكوووور يالغالي. ماتوصي شي من برشلونه؟؟؟
Mubarak
09-08-2006, 04:47 PM
ماقصرت اخوي مبارك اساساً انا مكلف عليك وايد فتقبل إعتذاري.... وعلى العموم أنتظر ردك في أي وقت وأي يوم... وآنا يوم الخميس بالليل مسافر لمدة 3 أسابيع حتى لو لقيت الحواب كتبه لي لأني أول ماأرجع بارد عليك ..... ومشكوووور يالغالي. ماتوصي شي من برشلونه؟؟؟

إن شاء الله أجيبك معلومات تفيدك....

تروح وترجع بالسلامة اخوي راشد....الله يحفظك....
rashed88
10-08-2006, 04:28 AM
أخوي مبارك وأختي حبارى عندي مستجدات عن موضوع استلام اشعارات التخصيص مع الشيكات لبنك الريان!!! اليوم التقيت بأحد الأخوة صدفة وكانت عنده نفس المشكلة إلي عندي ! بمعنى أنه ما أستلم أي اشعار لتخصيص الاسهم مع الشيكات ويقول أنه اتصل على بنك قطر الوطني وأخذو منه رقم الطلب ولما تأكدو من رقم الطلب عن طريق الكمبيوتر قالوله أن البنك أرسل الشيك مع اشعار التخصيص بالخطأ للمملكة العربية السعودية ( يعني أهو في بلد وشيكة في بلد ثاني ) ويقولون هذا خطأ البنك وراح يرسلون الشيك على العنوان الصحيح بس راح يحتاج فترة طويلة تقارب الشهرين لأن عندهم شيكات كثيرة أرسلوها بالخطأ وهم بصدد تصحيح العناوين وأرسالها مرة أخرى ... وبعد أخذو منه عنوانه الصحيح وقالوله أدخلنا العنوان الصحيح عندنا في الكمبيوتر وراح نعمل على ارساله في أقرب فرصة وقالوله انك زين إلي اتصلت لأنك لو ماتصلت ماراح نعرف عنوانك الصحيح عشان نصحح الخطأ عندنا وبالتالي نرسلك الشيك على العنوان الصحيح... المشكلة يقول من بعد هذا الاتصال حاولت اتصل فيهم عشان اراجع واستفسر محد يرد علي من شهر تقريبا ... واتصاله الاول كان من شهرين بس اهو صحح الخطأ لكن إلي مثلي اشلون يقدر يعطيهم العنوان الصحيح وهم مايردون على المكالمات اصلا ً !!! بمعنى أنهي لازم اعطيهم رقم العنوان الصحيح عشان يرسلون لي الشيك وإذا هم مايردون على المكالمات اشلون بيرسلونه :( ياريت ألقى عندكم الجواب. الرقم إلي اتصل عليه الاخ في المرة الأولى ولقى الجواب هو 009744407718 لكن الحين محد يرد عليه .. وسلامتكم
السمو
10-08-2006, 08:55 AM
الله يعين يا أخوي

بنشوف رد مبارك اليوم ورب يكون عنده معلومات جديدة

ثاني شي بنك قطر الوطني بهالفعلة حط نفسه في مسؤولية كبيرة جداً

شلون يضيعون العناوين ,,, ان دل هالشي فهو يدل على عدم

كفاءة الموظفين اللي حاطينهم
rashed88
10-08-2006, 11:41 AM
نعم أختي حبارى أنا أوافقك الراي أرسال اشعارات التخصيص مع الشيكات إلى عناوين خطأ فهذا خطأ جسيم لايغتفر . وبنك قطر الوطني بنك كبير من المفروض أنه مايقع في هالأخطاء الكبيرة .بصراحه في كثير من الأخوة محتاج لفلوس الشيكات وكثير من الأخوة محتاج يبيع الأسهم ومثل مانعرف أن بيع الأسهم يتطلب الأشعار الأصلي خصوصاً مواطني دول المجلس لازم يكون عنده إشعار التخصيص الأصلي عشان يبيع أسهمه . والله يعين الأخوة إلي أخطأؤا في عناوينهم .. بس ألحين إلي نتمناه أنهم يردون على الهاتف عشان نعطيهم العنوان الصحيح. ولا بالطريقة هاذي ماراح نحصل على شي ... والعوظ على الله سبحانه... وانشالله اخونا مبارك يجيب لنا الخبر اليقين ... وبالتوفيق للجميع
Mubarak
10-08-2006, 01:30 PM
أخوي راشد اسمحلي لأني اليوم كان عندي اجتماع مفاجىء وتوني مخلص الحين لذلك ماقدرت أروح البورصة وأنا أدري إني تعبتك معاي ،، ولكن إن شاء الله الأسبوع الجاي أروح ......
rashed88
10-08-2006, 02:56 PM
ولا يهمك أخوي مبارك أنا إلي تعبتك معاي وعلى العموم أنا في انتظارك في القريب العاجل .. وإن شاء الله أكون معاكم في المنتدى بعد مارجع من السفر .... وسلامي الحار لك وللأخت حبارى وجميع أعضاء المنتدى ورواده .
Mubarak
10-08-2006, 05:00 PM
الله يسلمك أخوي راشد ... وتروح وترجع بالسلامة إن شاء الله...

وبإذن الله راح تحصل الشيكات وإشعار التخصيص....
جمال النعيمي
11-08-2006, 10:32 PM
اخوي حاول الاتصال على الرقم 09744464000

ان شاء الله تحصل جواب
السمو
12-08-2006, 12:32 AM
ولا يهمك أخوي مبارك أنا إلي تعبتك معاي وعلى العموم أنا في انتظارك في القريب العاجل .. وإن شاء الله أكون معاكم في المنتدى بعد مارجع من السفر .... وسلامي الحار لك وللأخت حبارى وجميع أعضاء المنتدى ورواده .

تروح وترجع بالسلامة اخوي
Mubarak
13-08-2006, 04:17 PM
أخوي راشد اليوم رحت البورصة وسألت هناك قالولي بالنسبة لإشعار التخصيص والشيك،، تسأل عنهم في بنك قطر الوطني ....

فراح أشوف لو قدرت أجيبلك رقم يفيدك من البنك....
rashed88
29-09-2006, 12:16 AM
السلام عليكم اخواني واخواتي وتحية خاصة للأخ مبارك والأخت حبارى . إنشالله الجميع بخير وصحة وسلامة ومبارك عليكم الشهر وعساكم من عواده السنة وكل سنة . أولا أطلب من الاخ مبارك المعذرة لأني طولت في السفر وماقدرت أرد عليك اخوي . وتصدق أن للأن ماوصلني اشعار التخصيص من البنك الريان وكل محاولاتي للإتصال فشلت !!!! ومثل ماقلت اخوي مبارك بنك قطر الوطني أهو المعني بإرسال اشعارات التخصيص مع الشيكات للمكتتبن ياريت تجيب لنا الرقم الصحيح إلي نقدر من خلاله نستفسر . مع العلم أني حاولت اتصل بالبنك أكثر من مرة لكن كل واحد يحولني على الثاني !!! واكتشفت اخوي مبارك أني مو الوحيد إلي ماوصلني الشيك ترا ناس كثيرين مثلي ماوصلهم!!! وسلامي للأخوة والأخوات جميعاً.
كويتي
29-09-2006, 12:52 AM
مرحبا مادري لقيت الجواب الشافي ام لا المهم انا مثلك مرت علي هالمشكلة ولم استلم الشيك انا من الكويت .. واضطررت الذهاب لدوحة عزيز بنك الريان لم تجد عنده اى شئ بنك الوطني اهو بتحصل عنده الشيكات مب الريان ولا تحاول تتصل لأنى عزيزي اتصلت تقريبا ألف مرة على البنك الوطنى ولم اجد الجواب منهم روح لدوحة وبالمرة تدمج اذا كان عندك شيكات حق صلة قرابة اولى وتحياتي وانشاللة وصلت المعلومة......... بنك الوطني نسيت الفرع اعتقد شارع الريان
rashed88
29-09-2006, 02:20 PM
مشكور مشكور أخوي كويتي... قصدك أني ماأحاول أتصل لأني ماراح ألاقي جواب صح ؟؟ ولازم اسافر الدوحة وأروح بنك قطر الوطني ... والله سالفة طويلة!! مايسوى علينا هالجم فلس إلي بنربحهم :) سؤال أخوي كويتي أنت يوم رحت الدوحة استلمت الشيكات . يعني لو آنا رحت بيسلموني الشيكات ولا المسألة فيها روح وتعال .وسلامتك
Mubarak
30-09-2006, 02:50 PM
هلا أخوي راشد حمدا لله على السلامة ومبارك عليك وعلى الجميع الشهر...

واسمحلي أخوي بالنسبة للشيكات فما استطعت إني اوصل لرقم تستطيع إنك تستفيد منه...

وإن شاء الله الأخ كويتي يقدر يفيدك من خلال تجربته ....
كويتي
01-10-2006, 01:42 AM
عزيزي بنك الريان ماراح يفيدك بشئ انا من الكويت وعانيت نفس المشكلة واضطررت الذهاب لدوحة وذهبت الى بنك الوطني اهو راح تلاقي الشيكات المرتجعه اسئل مجرب ولا تسئل طبيب وانت خصيت اهل الدوحة وهم على راسي المفروض تسئل الخلجيين افضل لأنهم او البعض منهم حصله الى حصلك واكرر لك بنك الوطني الوطنـــــــــــــــــــــــــــــــــــــــــــــ ــــــــــــــــــــــــــي وتحياتي للجميع
كويتي
01-10-2006, 01:48 AM
لا طبعا على طول تستلمها بنك الوطني ومعاك طبعا توكيل من الكل وصور عن جوازاتهم اللة يعينك ومن ناحيتى انا اتلذذ جداااا :) وانا مسافر لدوحة اعشق الدوحة جدااا جداااا شمعة الخليج قطر .
Mubarak
01-10-2006, 02:47 PM
هلا اخوي كويتي وحياك الله في الدوحة....

ومشكور على نصيحتك للأخ راشد إللي طبعاً راح يستفيد منها هو وغيره إللي عندهم نفس المشكلة ....

وفعلاً : اسأل مجرب...


لك مني أجمل تحية...:)
Mubarak
01-10-2006, 02:52 PM
الأخ كويتي ما قصر ... الله يعطيه العافية...

وإن شاء الله أخوي راشد تيجي الدوحة بالسلامة و تستلم الشيكات...


لك مني أجمل تحية...:)
rashed88
03-10-2006, 07:07 PM
ماقصرت اخوي كويتي ومشكور انشالله اقرب فرصة اروح الدوحة واشوف الموضوع.. ويعطيك العافية اخوي مبارك على مجهوداتك معنا ومع جميع رواد المنتدى بلا استثناء وطبعا مثل ماقال اخوي كويتي إن الدوحة شمعة الخليج ولها مكانه في قلوبنا. ويعطيكم العافية.
Mubarak
04-10-2006, 10:34 PM
حياك الله اخوي راشد في الدوحة ...

واسمحلي على التقصير ...